ప్రతి సంవత్సరం సెప్టెంబర్ 10న ప్రపంచ ఆత్మహత్యల నివారణ దినోత్సవాన్ని జరుపుకుంటారు. ప్రస్తుతం ప్రపంచవ్యాప్తంగా ఆందోళనకర స్థాయిలో పెరుగుతున్న ఆత్మహత్యలను నిరోధించే చర్యల గురించి ప్రజలకు అవగాహన కల్పించడానికి ఈ రోజు అంకితం చేయబడింది. ఆత్మహత్య అనేది ఒక ప్రధాన ప్రజారోగ్య సమస్య, దీనిని సమాజం నుండి నిర్మూలించడానికి పరిష్కరించాల్సిన అవసరం ఉంది. ప్రపంచవ్యాప్తంగా ప్రతి సంవత్సరం ఆత్మహత్య మరణాల రేటు పెరగడానికి అవగాహన లేకపోవడం ఒక ప్రధాన కారణం.
ప్రపంచ ఆరోగ్య సంస్థ (WHO) లెక్కల ప్రకారం ప్రస్తుతం ప్రపంచవ్యాప్తంగా ఏటా 7,00,000 పైగా ఆత్మహత్యలు జరుగుతున్నాయి. ప్రతి సంవత్సరం సెప్టెంబర్ 10 ఈ సమస్యపై దృష్టి కేంద్రీకరించడం, దీనిని నివారించడానికి మరియు సంస్థలు, ప్రభుత్వాల చర్యలతో ప్రజలలో అవగాహన తీసుకురావడానికి ఉపయోగపడుతుంది. ఆత్మహత్యలను నివారించవచ్చనే ఏకైక సందేశాన్ని ఈ రోజు లక్ష్యంగా పెట్టుకుంది.
APPSC/TSPSC Sure shot Selection Group
ప్రపంచ ఆత్మహత్యల నివారణ దినోత్సవం చరిత్ర:
ఇంటర్నేషనల్ అసోసియేషన్ ఫర్ సూసైడ్ ప్రివెన్షన్, వరల్డ్ హెల్త్ ఆర్గనైజేషన్ (WHO) ప్రతి సంవత్సరం సెప్టెంబర్ 10 న ప్రపంచ ఆత్మహత్య నివారణ దినోత్సవాన్ని నిర్వహించడానికి ఏర్పాటు చేసింది. 2003లో ఈ డిక్లరేషన్ ఆమోదించారు, అప్పటి నుంచి ఆత్మహత్యల నివారణపై అవగాహన కల్పించేందుకు సెప్టెంబర్ 10వ తేదీని పాటిస్తున్నారు. ఇంటర్నేషనల్ అసోసియేషన్ ఫర్ సూసైడ్ ప్రివెన్షన్ ప్రకారం, “ఈ రోజున, ప్రపంచవ్యాప్తంగా ఈ ముఖ్యమైన ప్రజారోగ్య సమస్యపై దృష్టిని ఆకర్షించడానికి మరియు ఆత్మహత్యలు నివారించదగినవి అనే సందేశాన్ని వ్యాప్తి చేయడానికి ‘క్రియేట్ హోప్ త్రూ యాక్షన్’ చేయమని మేము అందరినీ ప్రోత్సహిస్తాము. అవగాహనను ప్రోత్సహించడం, చేరుకోవడం మరియు అనుభవాలను పంచుకోవడం ద్వారా, ఈ థీమ్ చర్య తీసుకోవడానికి ప్రజలకు ఆత్మవిశ్వాసాన్ని ఇస్తుంది. ఇది ఆత్మహత్యకు ప్రత్యామ్నాయం ఉందనే వాస్తవాన్ని హైలైట్ చేస్తుంది మరియు మనందరిలో ఆత్మవిశ్వాసాన్ని మరియు వెలుగును ప్రేరేపించడమే లక్ష్యంగా పెట్టుకుంది.
ప్రపంచ ఆత్మహత్యల నివారణ దినోత్సవం 2023 థీమ్
ప్రపంచ ఆత్మహత్యల నివారణ దినోత్సవం 2023 థీమ్ “చర్య ద్వారా ఆశను సృష్టించడం/ క్రియేటింగ్ హోప్ త్రూ యాక్షన్ “. ఈ అత్యవసర ప్రజారోగ్య సమస్యను పరిష్కరించడానికి సమిష్టి, కార్యాచరణ అవసరాన్ని ఈ థీమ్ ప్రతిబింబిస్తుంది. కుటుంబ సభ్యులు, స్నేహితులు, సహోద్యోగులు, కమ్యూనిటీ సభ్యులు, విద్యావేత్తలు, మత పెద్దలు, ఆరోగ్య నిపుణులు, రాజకీయ అధికారులు, ప్రభుత్వాలు ఆత్మహత్యల నివారణకు చర్యలు తీసుకోవాలని తెలియజేస్తుంది.
ప్రపంచ ఆత్మహత్యల నివారణ దినోత్సవం యొక్క ప్రాముఖ్యత
ప్రపంచ ఆత్మహత్యల నివారణ దినోత్సవాన్ని జరుపుకోవడం వెనుక ఉన్న ప్రధాన ప్రాముఖ్యత ఆత్మహత్యలు నివారించదగినవి మరియు ఆత్మహత్యకు మించి ప్రత్యామ్నాయాలు ఉన్నాయనే వాస్తవాన్ని తెలియ చేయడం. ఆత్మహత్యలతో ముడిపడి ఉన్న ఇబ్బందులని తగ్గించడం మరియు ప్రజలు సహాయం కోరడానికి వెనుకాడని సంస్కృతిని ప్రోత్సహించడం ఈ రోజు యొక్క ప్రాముఖ్యత.
భారత దేశం లో ఆత్మహత్యల వివరాలు: NCRB నివేదిక
NCRB తాజా 2021 నివేదిక ప్రకారం దేశవ్యాప్తంగా నమోదైన ఆత్మహత్యల వివరాలు ఇలా ఉన్నాయి. 2021 లో మొత్తం 1,64,033 ఆత్మహత్యలు జరిగాయి. గత సంవత్సర నివేదికతో పోలిస్తే ఇది 7.2% ఎక్కువగా నమోదయ్యాయి.
| రాష్ట్రం | ఆత్మహత్యల సంఖ్య | శాతం |
| మహారాష్ట్ర | 22,207 | 13.50% |
| తమిళనాడు | 18,925 | 11.50% |
| మధ్య ప్రదేశ్ | 14,965 | 9.10% |
| పశ్చిమ బెంగాల్ | 13,500 | 8.20% |
| కర్ణాటక | 13,056 | 8.00% |
దేశంలో నమోదైన మొత్తం ఆత్మహత్యల్లో సగానికి పైగా (50.4%) ఈ 5 రాష్ట్రాల్లోనే ఉన్నాయి. మిగిలిన రాష్ట్రాలలో మిగతా 49.6 శాతం నమోదయ్యాయి. ఆంధ్రప్రదేశ్ లో 8,067(4.9%), తెలంగాణ లో 10,171 (6.2%)ఆత్మహత్యలు నమోదయ్యాయి.
| సూచిక | శాతం |
| కుటుంబ సమస్యలు | 33.2% |
| అనారోగ్యం | 18.6% |
| మద్యపానం/మాదకద్రవ్యాల దురసవాదం | 6.4% |
| వివాహ సంబంధిత సమస్యలు | 4.8% |
| ప్రేమ వ్యవహారాలు | 4.6% |
| దివాలా లేదా అప్పులు | 3.9% |
| నిరుద్యోగం | 2.2% |
| పరీక్షలో విఫలం | 1.0% |
| వృత్తి/కెరీర్ సమస్య | 1.6% |
| పేదరికం | 1.1% |
అందరం ఆత్మహత్యల నివారణకు కృషి చేసి మన దేశ యువతని, వారి ఉజ్వల భవిష్యత్తుని నిలపడానికి ఈ రోజు మనకి ఒక దిక్సూచి లాగా పనిచేస్తుంది. మన వంతు కృషి మనము చేసి దేశ పురోగతిలో భాగ్యమవుదాము.
| మరింత చదవండి: | |
| తాజా ఉద్యోగ ప్రకటనలు | ఇక్కడ క్లిక్ చేయండి |
| ఉచిత స్టడీ మెటీరియల్ (APPSC, TSPSC) | ఇక్కడ క్లిక్ చేయండి |
| ఉచిత మాక్ టెస్టులు | ఇక్కడ క్లిక్ చేయండి |
